វង្វេងផ្លូវ
មនុស្សម្នាក់កំពុងតែមានអារម្មណ៍ថាខ្លួនគេដើរវង្វេងផ្លូវ….
គេមានអារម្មណ៍ថាខ្លួនរបស់គេមិនអាចបន្តដំណើរទៅមុខបានទៀតទេ…
គេមានអារម្មណ៍ថាគេពិតជាចង់ឈប់ត្រឹមនេះ គេហត់ គេនឿយ គេមិនចង់វង្វេងផ្លូវបែបនេះតទៅទៀតនោះទេ…
គេងាកឆ្វេង គេងាកស្តាំគិតថាប្រហែលជាមាននរណាម្នាក់នៅជិតៗនេះ គេនឹងបានស្រែកឲ្យជួយបង្ហាញផ្លូវ…
តែមិនឃើញមាននរណា ងាកទៅខាងណាក៏ឃើញតែភាពទទេស្អាត…
ស្រាប់តែរំពេចនោះមានមនុស្សម្នាក់មកចង្អុលបង្ហាញផ្លូវដល់គេ…
តែមនុស្សម្នាក់នោះមិនបានប្រាប់អ្វីច្រើននោះទេ គ្រាន់តែបង្ហាញផ្លូវគេរួចក៏ទៅបាត់…
តែយ៉ាងហោចណាស់ក៏ធ្វើឲ្យគេមានក្តីសង្ឃឹមថាគេនឹងអាចរកផ្លូវដែលត្រូវត្រលប់ទៅលើផ្លូវដែលគេចង់ដើរបាន…
គេក៏ព្យាយាមតស៊ូដើរតទៅទៀតដោយក្តីសង្ឃឹម…
…..
…..
…..
…..
…..
ខ្ញុំក៏ប្រៀបដូចជាគេម្នាក់នោះចឹង មានអារម្មណ៍ថាកំពុងតែវង្វេងផ្លុវ កំពុងតែមានអារម្មណ៍ហត់នឿយក្នុងជីវិត តែខ្ញុំមិនឈប់ដើរនោះទេ ខ្ញុំនឹងបន្តដំណើររបស់ខ្ញុំរហូតទាល់តែដល់គោលដៅ យ៉ាងហោចណាស់ខ្ញុំគ្រាន់បើជាងគេម្នាក់នោះព្រោះខ្ញុំនៅមាន ប៉ា ម៉ាក់ ម៉ាក់អ៊ំ ប្អូនប្រុស និងមិត្តភក្តិដ៏គួរឲ្យស្រលាញ់ជាច្រើនទៀត។ ខ្ញុំមិនបានកើតមកតែម្នាក់ឯងក្នុងលោកនេះទេ ដូច្នេះខ្ញុំគួរតែដើរតទៅមុខទៀតដោយក្តីសង្ឃឹម និងជឿជាក់ថាខ្ញុំនឹងរកផ្លូវដែលខ្ញុំចង់ដើរបានជាក់ជាមិនខាន……….
